CONCURSO DE POESÍA INFANTIL: O CUCO

O alumnado de Educación Infantil decidiu representar o poema de "O cuco" de Manuel María para o concurso de poesía do centro.

O CUCO

CANTA CUCO OU CALA CUCO

EU EN TI XA NON CHE CREO

DESDE QUE SEI QUE VAS POÑER

O TEU OVO EN NIÑO ALLEO.

DESDEIXADO E PREGUICEIRO,

TAN SÓ PENSAS EN FOLGAR.

SOAMENTE DIS DÚAS NOTAS

E XA TES QUE DESCANSAR!

CANTA CUCO OU CALA CUCO,

PREGUICEIRO, NUGALLÓN:

A MIN POUCO CHE ME IMPORTA

QUE ESTEAS CANTANDO OU NON!

Manuel María

As ilustracións escollidas polo xurado foron as de:

Carlota Mera Río

Leo Gamallo Lareo

Telmo Canosa Barco

Beltrán Canosa Barco

Joel Estévez Valladares

Ariadna Castro Casal

XOGAMOS AO CINQUILLO

Na aula utilizamos recursos de uso cotiá para o desenvolvemento das habilidades matemáticas. Un dos materiais empregados son as cartas, e o xogo escollido: O CINQUILLO.

Os obxectivos a desenvolver son:

- Relacionar o número coa cantidade.

- Colocar de maior a menor os números.

- Establecer seriacións atendendo á cor das cartas.

- Agardar a quenda de xogada.

- Aceptar as reglas do xogo.

Como xogamos?

- Explicamos a funcionalidade das cartas e as normas do xogo.

- Xogamos en gran grupo ao cinquillo.

- Distribuímonos en pequenos grupos (3-4 nenos/as), cun dos palos da baralla (oros, espadas, bastos ou copas).

- Xuntamos 2 grupos e 2 palos da baralla.

GUIUSEPPE ARCIMBOLDO

Durante o mes de inverno traballamos no recuncho de arte unha das obras de Guiseppe Arcimboldo: El invierno.

DATA	FEBREIRO DO 2016
ACTIVIDADE	GIUSEPPE ARCIMBOLDO
ÁREAS DE APRENDIZAXE	-          ARTE -          CIENCIAS
DESCRICIÓN DA ACTIVIDADE	ELABORACIÓN DUN CADRO A PARTIR DA OBRA DE ARCIMBOLDO. COMPOSICIÓN DUNHA CARA, EMPREGANDO VERDURAS E HORTALIZAS DE TEMPADA.
OBXECTIVOS	-          IDENTIFICAR A OBRA CO SEU AUTOR. -          RECOÑECER OS DATOS MÁIS RELEVANTES DA SÚA OBRA. -          OBSERVAR CON ATENCIÓN, SELECCIONANDO AS CARACTERÍSTICAS COMÚNS DOS SEUS CADROS. -          RESPECTO DAS OPINIÓNS E ELECCIÓNS REALIZADAS POLOS INTEGRANTES DO GRUPO.

Empregamos froitas e hortalizas de tempada para a elaboración das nosas creacións, organizándonos en pequenos grupos.

Este foi o resultado...

Tras a súa manipulación decidimos botar os restos ao composteiro...

BATÁN

A familia de Mingos e Tareixa cederon a aula de infantil un batán artesán da súa familia. Mingos explicounos que un batán é unha máquina destinada a transformar os tecidos abertos en outros máis tupidos. Comentounos que funcionan a través da forza da corrente de auga que fai mover unha roda hidráulica e que activa os mazos que posteriormente golpeaban os tecidos ata compactalos.

Para comprobalo empregamos un anaco de plastilina en lugar do tecido e a forza do corpo en lugar da enerxía da auga.

Moitas grazas á familia de Mingos e Tareixa pola súa aportación!

ANIVERSARIOS 2º TRIMESTRE 2016

No segundo trimestre tivemos de aniversario aos nosos amigos e amigas: Carlota, David, Mariña, Xiana Raviña, Nuria, Joel e Iván.

Parabéns a todos/as!

CANTA O CUCO NA SEMIESFERA

"O CUCO"