FELIZ NADAL 2015

ANIVERSARIOS PRIMEIRO TRIMESTRE 2015

PARABÉNS AOS NOSOS AMIG@S: DIEGO, ARIADNA, OHIANA, XIANA D.L.F, PABLO E BRAIS POR CUMPLIR UN ANIÑO MÁIS.

CELEBRAMOS TODOS XUNTOS OS ANIVERSARIOS DO 1º TRIMESTRE, ELABORANDO UNHA RECEITA DE TRUFAS DE CHOCOLATE.

PARABÉNS A ÁLVARO, ANTÓN, TELMO, OHIANA, XIANA D.L.F, DIEGO, BRAIS, ARIADNA E PABLO.

COMO ACTIVIDADE FINAL REALIZAMOS A ACTIVIDADE IMPRESA DO TEXTO DA RECEITA.

MUSEO DE HISTORIA NATURAL

No primeiro trimestre todo o alumnado do centro realizou a visita ao Museo de Historial Natural no parque de Vista Alegre. Un conxunto patrimonial que se remonta ao século XIX con pezas singulares de gran valor para o estudo e a divulgación da biodiversidade e o medio ambiente.

Os principais espazos das novas instalacións agrúpanse en torno aos conceptos de Biodiversidade e Biodiversidade Terrestre, na planta baixa, e dos apartados dedicados a Xeodiversidade e Solo e Biodiversidade Mariña na primeira planta. A exposición é un singular percorrido por ecosistemas de augas continentais e bosques galegos ou pola xeodiversidade con mostras de minerais, pedras preciosas e semipreciosas, rocas, fósiles e meteoritos. Tamén ten o seu propio espazo a biodiversidade mariña, as algas, os invertebrados, os peixes ou ecosistemas do litoral galego, e outros máis afastados como a selva sudamericana ou a sabana africana.

POSTAIS DE NADAL 2015

Seguindo a tradición destes últimos cursos, o alumnado de Educación Infantil elaborou con moito agarimo unha postal de Nadal para un compañeiro ou compañeira escollido ao azar a través do saquiño máxico dos nomes.

O proceso foi longo e moi laborioso, pero, ao mesmo tempo, moi satisfactorio.

Obxectivos a desenvolver na actividade:
- Identificar os nomes dos compañeiros/as.
- Recoñecer a funcionalidade dunha postal.
- Valorar o gusto estético da súa creación e da dos demais.
- Identificar o formato dunha postal: saúdo, contido e despedida.
- Elaborar un texto a partir da súa hipótese de escritura ou a través da transcrición.

ILUSTRACIÓNS

TEXTO

AS ÁRBORES DA AMIZADE

As árbores da amizade son os regalos que os nenos e nenas da aula fan aos seus compañeiros e compañeiras polo seu aniversario. O día do aniversario sentámonos na asamblea e describimos ao noso amigo/a a través de "adxectivos amables". Apuntámolos nun papel para despois escribilos nunha pequena cartolina que representa as follas dunha árbore. A mestra Mirian sácalles unha foto en posición de árbore, colocámoslle os palillos en forma de ramas, as follas pegadas e situámos a súa figura coloreada sobre unha base.

O CRECEMENTO DAS LEGUMES

Anxo e Manuel mostráronnos o proceso de crecemento das legumes: fabas, lentellas, garabanzos...

1. Colocar a legume nun algodón mollado.

2. Dispoñer a semente nun lugar cálido e luminoso, para que reciba o calor do sol.

3. No prazo de dous ou tres días a semente irase inflando e brotarán dúas follas.

4. Regarase a plantiña todos os días e con moi pouquiña auga.

Explicáronnos que as plantas son seres vivos que necesitan da auga para medrar. Primeiro sae a raíz da semente, despois vai medrando o talo que é o que da forma á planta e, finalmente, as follas. As plantas nacen, crecen e aliméntanse a partir do aire, da auga, dos nutrientes do solo e da luz do sol; sendo un proceso lento.

PLANTAMOS REPOLOS E PUERROS

DATA	OUTUBRO DO 2015
ACTIVIDADE	PLANTAMOS REPOLOS E PUERROS
ÁREA DE APRENDIZAXE	CIENCIAS
DESCRICIÓN DA ACTIVIDADE	PLANTACIÓN DE HORTALIZAS NOS BANCAIS DA HORTA.
OBXECTIVOS	-         IDENTIFICAR O REPOLO E O PUERRO DENTRO DO GRUPO DAS  HORTALIZAS. -         RECOÑECER CALES SON OS PASOS QUE SEGUIMOS NA PLANTACIÓN. -         PARTICIPAR NA ACTIVIDADE. -         VALORAR A IMPORTANCIA DO CONSUMO DE HORTALIZAS NA NOSA DIETA DIARIA. -         REPRESENTAR A EXPERIENCIA A TRAVÉS DO DEBUXO.

COGOMELOS

MARIÑA VIAXA A LONDRES

A nosa compañeira Mariña marchou onte a Londres. Todos e todas estabamos moi interesados en saber a situación xeográfica de Londres e se a distancia que tería que percorrer Mariña dende Galicia sería moita ou pouca.

- Investigamos no mapa do mundo. A que continente pertencería? Rapidamente Gael contestou que a África non, porque cando el estivera en Marrocos non lembraba escoitar ese nome de cidade.
Entón onde estará...?

- Atopámolo no mapa!! Londres é unha das cidades máis coñecidas de Europa e pertence ao país de Reino Unido, unha illa en forma de coello.

- Pensamos en que medios de transporte podería viaxar Mariña. Ao ser unha illa, ocorréusenos que unicamente había dous: barco ou avión. Mariña confirmounos que viaxaría en AVIÓN.

- Recollemos por escrito a experiencia.

MAGOSTO 2015

O venres 13 de novembro tivo lugar a celebración do Magosto. Aínda que o tempo non nos acompañaba puidemos gozar dunha tarde chea de diversión.
Os espazos empregados foron o pavillón e o patio.
No pavillón os nenos e nenas de infantil presentaron ás familias esta festa popular galega a través da cantiga "Señora María, señor Manuel" e realizaron os tradicionais xogos de Magosto: relevos con culleres e castañas, e o xogo de roda "a castaniña por detrás".
No patio puidemos atopar unha diversidade de xogos: os zancos, as chapas, a chave, a mariola, os bolos...; así como os tan esperados xogos en equipo: carreiras de saco, tiro de corda e carreiras de relevos con carozos.
Finalmente rematamos a festa cun cucurucho de castañas quentiñas que os papás e mamás da ANPA prepararon con tanto agarimo.
Moitísimas grazas pola vosa colaboración e participación!

Aquí vos deixamos unha pequena mostra do día...

O OBRADOIRO DO MEDO 2015

ANTES... AMBIENTAMOS OS ESPAZOS...

DURANTE... NO OBRADOIRO DO MEDO PRESENTAMOS A ESCURAS AS NOSAS CAVEIRAS ARREPIANTES CON LUZ DA CANDEA NO SEU INTERIOR, COLOCÁMOLAS NA ENTRADA DA ESCOLA PARA ESPANTAR AOS ESPÍRITUS NA NOITE DO SAMAÍN, XOGAMOS EN RODA Á PANTASMA DO SAMAÍN E BAILAMOS A CANTIGA DE Á PANTASMA CAROLINA QUE NOS ENSINOU O MESTRE LUÍS.

RETRATO DUN COMPAÑEIRO/A

DATA	SETEMBRO DO 2015
ACTIVIDADE - ARTE	RETRATO DUN COMPAÑEIRO/A
DESCRICIÓN DA ACTIVIDADE	CREACIÓN DUN RETRATO DUN COMPAÑEIRO NO RECUNCHO DE ARTE, EMPREGANDO DIFERENTES TÉCNICAS: -          DEBUXO – CONTORNA -          PINTURA - TÉMPERA
OBXECTIVOS	-       CENTRAR A ATENCIÓN NOS RASGOS DUN COMPAÑEIRO/A. -       IDENTIFICAR AS PARTES DA CARA/CORPO. -       DESENVOLVER O GUSTO ESTÉTICO (FORMA, COR, PROPORCIÓNS…).

DÍAS DESPOIS DA REALIZACIÓN DOS RETRATOS, MARÍA FILLOY MOSTROUNOS OS RETRATOS QUE ELABORARA EN PLÁSTICA. EXPLICOUNOS AS TÉCNICAS QUE EMPREGARA E DEUNOS UNS CONSELLOS PARA AS NOSAS PRÓXIMAS CREACIÓNS:

- Medir o tamaño da cabeza, as distancias.

- Observar a simetría da cara.

- Ter en conta a colocación dos ollos (non van no medio da cara).

- A importancia das sombras para proporcionar o efecto de volume.

GRACIÑAS MARÍA FILLOY POR MOSTRARNOS E EXPLICARNOS OS TEUS TRABALLOS!

APAÑAMOS E PLANTAMOS LANDRAS

O VENRES FOI UN DÍA ESPECIAL, APAÑAMOS E PLANTAMOS LANDRAS CON JAIME. FOI TODA UNHA AVENTURA!

MOMENTOS DE LECTURA-ESCRITURA

Na aula de educación infantil xorden a diario momentos espontáneos de lectura e escritura por parte dos nenos e nenas.

É importante que as mestras esteamos moi atentas para poder intervir no proceso, valorando de maneira moi positiva o seu interese, esforzo e a funcionalidade do propio texto.

- ESCRIBIMOS NA PIZARRA.

- ESCRIBIMOS LISTAS DE NENOS/AS.

- POÑÉMOSLLE NOME ÁS NOSAS MASCOTAS.

- POÑÉMOSLLE NOME ÁS NOSAS COMPOSICIÓNS.

- EMPREGAMOS O MATERIAL DA BIBLIOTECA - BUSCA DAS INICIAIS.

- ILUSTRAMOS E NOMEAMOS AS NOSAS CREACIÓNS.

- XOGAMOS A BUSCAR NOMES COAS LETRAS MÓBILES.

- FACÉMONOS REGALOS AGARIMOSOS E PERSONALIZADOS.

CONCURSO DE MICOLOXÍA 2015

Todo o alumndado do centro participou nas Xornadas culturais sobre micoloxía, en colaboración co Concello de Vedra, a través do concurso de debuxo micolóxico. 

INFANTIL

PRIMARIA

AS MERENDAS NUTRITIVAS

Coa finalidade de axudar a que as merendas da escola sexan o máis nutritivas posibles, realizamos este cadriño orientativo do tipo de alimentos que os vosos fillos/as poderían traer á escola, atendendo ao día da semana no que nos atopemos.
Isto axudaraos, non só a seguir unha merenda equilibrada, senón tamén a animalos/as a experimentar con sabores novos e a identificar os diferentes grupos de alimentos (froitos secos, lácteos, froita…).

OS INSTRUMENTOS MUSICAIS

ACTIVIDADE – XOGAMOS A PENSAR	OS INSTRUMENTOS MUSICAIS
CARTA DE XOANIÑA	14 – OUTUBRO – 2015 OLA AMIGOS E AMIGAS: QUEREDES XOGAR A PENSAR COMIGO? HOXE XOGAREMOS CON INSTRUMENTOS MUSICAIS. TEREDES QUE ADIVIÑAR POLO SON E SEN VER, DE QUÉ INSTRUMENTO MUSICAL SE TRATA. BIQUIÑOS AGARIMOSOS, XOA
DESCRICIÓN	-          DISCRIMINAR OS INSTRUMENTOS A TRAVÉS DO SENTIDO DO OÍDO (pandeireta, xilófono, claves, triángulo e maracas). -          COMPOÑER O NOME, EN PEQUENOS GRUPOS,  A PARTIR DUNHAS TARXETAS. -          ILUSTRAR O INSTRUMENTO, ESCRIBINDO O SEU NOME.
HABILIDADES DE PENSAMENTO	HABILIDADES DE PERCEPCIÓN: -          Escoitar atentamente -          Tocar